國際級音樂節一定要歐美band做 headline?

自從clockenflap 係工廈搬返出戶外，定位大型國際級音樂節後，好似都冇試過好似今年咁多本地band，甚至做headline 壓軸。

今次陣容令我思考一啲同Fujirock嘅比較。Fujirock - 呢個全球樂迷黎講都係神壇般嘅存在，甚至比 Coachella, Glastonbury 都更吸引，因為歐美音樂節來來去去都係個堆人，然而東方日本呢個fes有一線歐美band外，仲有頂級質素嘅日本本地樂隊，係歐美fes唔會有嘅一大賣點。例如2021 Fujirock因為Covid關係而只有本土樂隊出演，但聲勢仍不輸歐美各大音樂節。

咁既然Fujirock 可以以平分秋色嘅lineup去享譽國際，Clockenflap又可唔可以做到呢個地步呢？

其實Clockenflap一直以來都有安排本地樂隊加入演出之列，但係都受唔少人詬病，例如曾經有指演出費刻薄、local band被安排早段時演出， 入場人數寥寥，感覺似神功戲等等。

而今次lineup本地陣容比例上大幅增加，係想推香港野上國際舞台定係受限於政策請唔郁人黎，動機未明難知；無獨有偶，今年clockenflap門票史無前例地售罄，又係咪indicate緊呢個lineup受到觀眾青萊呢？

當香港睇Show仔朝朝暮暮都諗緊點去Fujirock﹐本地出產嘅呢個Clockenflap能夠引起海外人士同樣嘅熱衷嗎?

又，想問一個有雞先定有蛋先嘅問題：係因為頂級質素嘅樂隊而成就到國際級音樂節，定係因為有國際級舞台令到本地樂隊可以上到國際層面?

最近被以上問題纏擾的我忍唔住要開post問大家點睇

-梅